BHISAMA IDA PRANDA WAWURAWUH Lan I BANDESA MAS
Mwah hana panugrahan Ida Pranda Wawurawuh, sedawege I
Bandesa Mas rikala sedeng sira salila, makawerdining desane ring Mas, dibia pwa
sira darma silayukti mwah sidiadnya pranawa sira sakwehing pare sujana ring
Balimadya pada nyawita wahya niskala ring Pangeran Mas. dewa kusala sira,
astiti utpati, bakti ring sang amuter
Bali, mwah ring Ida Pranda Wawurawuh, tur raris I Bandesa Manik Mas ngaturang
pianak ring Ida Pranda Wawurawuh, tur kaambil antuk Ida Pranda pianake I
Pangeran Mas kaangge rabi, tur maputra Ida Bukcabe
karananing hana wangsa Wasita Brahmana Mas wekasannia tekeng
mangke, raris Ida Pranda mapratidnya tur makarya Pura Panembahan Ida Sang
Brahmana, irika ring Mas, ngaran PURA PULE pinggir purwa. mwah pengastaman Ida
anak Ida mapesengan Ida Bukcabe, wekasannia malih pratisentanane I Pangeran
Mas. malih ngawe pura irika ring desa Mas, ngaran Pura Bukcabe, yogia kasumbah
olih Brahmana kabeh, tekaning wenang siniwi olih sapratisantanane I Bandesa
Mas.
Mwah yan hana satrehe I Bandesa Mas tan eling, lipia nyungsung
ring PURA PULE kalih ring PURA BUKCABE wastu ya kabeh sagotrane I Bandesa Mas
yan tan manuta kaya ling prasasti iki, tan manggih sadia rahayu, lungsur
kasukan, cendek tuwuh, kalah kramasesu, samba asanak, tan surud kawignan.
Mangkana sosote I Bandesa Mas tekeng pratisanaknia wekas ayua
lupa pwa kita kabeh, sawerengsun kamu.
No comments:
Post a Comment